Sut mae dod yn rhoddwr organau byw
Mae’r rhan fwyaf o’r organau a’r meinweoedd sy’n cael eu rhoi yn dod gan bobl sydd wedi marw, ond gallwch roi rhai organau tra ydych chi’n dal yn fyw. Gelwir hyn yn rhoi organau byw.
Ledled y DU, mae mwy na 1,000 o bobl bob blwyddyn yn rhoi aren neu ran o’r iau tra byddan nhw’n dal yn fyw i berthynas, ffrind neu rywun nad nhw’n eu hadnabod.
Beth mae rhoddwr organau byw yn gallu ei roi?
Fel rhoddwr organau byw, gallwch roi aren neu ran o’ch iau i helpu i achub neu wella bywyd rhywun sydd angen trawsblaniad.
Aren yw’r organ sy'n cael ei rhoi amlaf gan roddwyr byw. Mae’r rhan fwyaf o bobl sy’n byw gydag un aren yn gallu byw bywydau hir ac iach.
Gall trawsblaniad arennau drawsnewid bywyd rhywun sydd â chlefyd ar yr arennau.
Llwythwch ein taflenni ffeithiau i lawr
Dod yn rhoddwr aren byw
Mae trawsblaniad rhoddwyr iau byw wedi cael ei wneud yn llwyddiannus yn y DU ers 1995.
Mae llawdriniaeth i drawsblannu’r iau yn llawdriniaeth sy’n achub bywydau i gleifion sydd â chamau terfynol clefyd yr iau.
