Ffeithiau am roi cornbilennau

Rydym ni eisiau i chi allu gwneud penderfyniad ar sail gwybodaeth ynglŷn â rhoi eich cornbilennau ai peidio, felly rydym ni wedi ateb rhai o'r camsyniadau cyffredin.

Rhoi a’ch penderfyniad

Y gornbilen yw'r rhan o'r llygad sy'n cael ei thrawsblannu

Efallai y clywch chi bobl yn sôn am roi llygaid, ond er bod y llygad cyfan yn cael ei roi, y gornbilen sy'n cael ei thrawsblannu.

Y gornbilen yw’r haen allanol glir o feinwe o flaen y llygad sy’n gadael golau i mewn fel eich bod yn gallu gweld.

Gallwch newid eich meddwl

Gallwch newid eich meddwl yn rhwydd am roi cornbilennau unrhyw adeg. Yr unig beth sydd angen i chi ei wneud yw diwygio eich penderfyniad ar Gofrestr Rhoddwyr Organau’r GIG. 

Pwy sy’n gallu rhoi eu cornbilennau?

Nid yw canser yn eich atal rhag rhoi eich cornbilennau

Gall pobl â’r rhan fwyaf o fathau o ganser dal roi eu cornbilennau. Nid yw’r cornbilennau’n cynnwys pibellau gwaed, sy’n dileu’r risg o drosglwyddo’r rhan fwyaf o fathau o ganser.

Nid yw golwg wael yn eich atal rhag rhoi eich cornbilennau

Gall pobl â golwg wael dal roi eu cornbilennau. Nid yw llawer o gyflyrau sy’n effeithio ar olwg person yn effeithio’n uniongyrchol ar y cornbilennau, sy’n golygu ei bod hi dal yn bosibl i'w rhoi. 

Cynlluniau angladd

Nid yw rhoi cornbilennau yn gohirio angladd y rhoddwr

Nid yw rhoi cornbilennau yn gohirio unrhyw drefniadau angladdol, ac mae ein nyrsys arbenigol bob amser yn siarad â’r teulu i weld a oes ystyriaethau ynghylch ffydd, credoau neu ddiwylliant rhywun mewn perthynas â chynlluniau angladd.

Nid yw rhoi cornbilennau yn effeithio ar sut mae rhoddwr yn edrych

Ar ôl i’r rhoddwr roi ei lygaid, bydd ein tîm arbenigol yn gwneud yn siŵr ei fod yn edrych fel y byddai wedi gwneud fel arall. Ni fydd rhoi’r llygaid yn atal rhoddwr rhag cael angladd â chasged agored.

Sut mae rhoi cornbilennau yn newid bywydau

Stori Angharad

Cafodd Angharad ei geni gyda chataractau yn y ddau lygad a chyflwr o’r enw microffthalmia, sef pan fydd y llygaid yn stopio datblygu yn ystod beichiogrwydd.

Roedd angen i Angharad gael cornbilennau a sawl llawdriniaeth er mwyn cadw ei chanfyddiad o olau, rhywbeth sy'n ein galluogi i ganfod golau, adnabod golau oddi wrth dywyllwch, a ffurfio delwedd o'n hamgylchedd.

Mwy o wybodaeth